ان تختار الراحة والهدوء والسكينة فى وقت تعبت فيه من الضغط العصبي والقلق والتوتر .. من حقك
ان تكافح وتصارع وتقسو على نفسك من اجل اثبات ذاتك فى وقت انت فيه احوج الى الحب والعاطفة .. من حقك
ولكن لماذا لا يجتمع الاثنان معا ؟؟؟؟
وكيف يمكن الجمع بين الحب والنجاح فى العمل .. ولما كلما ننجح فى ايا منهما نفشل فى الاخر ....؟
الاختيار صعب وقاسي
22 comments:
ممكن الاتنين يجتمعوا مع بعض
عادى يعنى
وممكن يبقى ولا فى نجاح فى العمل ولا فى الحب
مسألة حظ
الدنيا مبتديش محتاج انما انا اعتقد اننا ممكن ننجح في الاتنين لو احنا عايزين كده والطرف التاني عايز يفرح بنجاحنا في الاتنين بغض النظر اذا كان الطرف الثاني ده راجل ولا ست
ابتسام
أظن ان الكل مرتبط ببعضه
فنحن نكافح و نصارع و نقسو على أنفسنا و بالتالي يحدث ضغط عصبي و توتر و قلق و ذلك لاثبات الذات , عندها - و عندها فقط - سنستمتع بالراحة و الهدوء و السكينة و النجاح و الحب
هي أمور متصلة لا يمكن فصلها
هي دنيا و دايرة بينا
كل ساعة بحال تجينا
الاختيار صعب وقاسي...وعلشان كده اسمها دنيا...سؤال أبدي لا تستطيع الإجابة عنه وأنت مطمئن...هل تعمل ما تحب؟؟..أم أنك تحب ما تعمل؟؟!!..رأيي أن إثبات الذات لا يحتاج إلي العمل بقدر ما يتطلب الكثير من العاطفة...ولذلك نحن في حاجة إلي اصباغ كل ما نعمل ببعض العاطفة حتى نستطيع ان نحرز بعض من النجاح المرضي للنفس وليس للناس
أحمد
كنت لسة بفكر في الموضوع ده امبارح ..شكلك مطحونة في الشغل زيي....ربنا يقويكي
اعتقد الموضوع مننا حاجة بسيطة ...ناخد أجازة نريح فيها أعصابنا و نركز ...و نفكر بجد ايه أولوياتنا و ايه اللى مينفعش نخسره و ايه اللى ممكن ما نحققش فيه كل اللى بنتمناه لكن نمشي فيه بخطوات ثابته و قوية حتى لو كانت قليله....
تحياتي لك و ربنا يوفقك بس ما تتأخريش علينا كتير في التدوين ...بتوحشينا
سلام يا جميل
سيجتمعان
مستحيل يجتمعوا
صعب اووي انك تسهر في شغلك لحد الساعه اتناشر بليل وتهتم باولادك
صعب اوووي انك تودي اولادك النادي كل يوم وتهتم بشغلك
لازم واحده فيهم تيجي علي حساب التانيه
هما 24 قيراط خديهم زي مانتي عايزه
بس اهم حاجه انهم ميزدوش عن 24
يمكن لأننا بنبص للعمل كأنه نوع من أنواع الصراع والتربص بالآخرين
لكن العمل في الحقيقة جزء من حياتنا ومن تكويننا لازم نكون على دراية بسلوكياته وقيمه وأخلاقه
تحياتي
من الواضح انك انسانة رقيقة ورومانسية وحالمة جداً وده مش عيب ابدا .. حبي طبعاً كلما سنحت لك الفرصة ده طبعاً جنب عملك واجتهادك .. ومش لازم تشتغلي طول الليل والنهار علشان تكوني متميزة .. بالعكس .. اشتغلي حاجة بتحبيها و بتفهمي فيها وانت تكوني متميزة جداً با بوسى .. انت محتاجة شوية خبرة في الحياة علشان تفهمي حاجات اكثر في الدنيا ..
يا ريت تزوري مدونتي و تقولي رايك في برنامجي الانتخابي ..
حبيتي مصر النهاردة ؟
صباح الورد يا بسوووومة ...
ماحدش بياخد كل حاجة ..
لكن فيه حاجة اسمها الرضا..وكله بيتساوى في الآخر صدقيني
بس غصب عن الكل ..
هنحب ..
ونشتغل ..
ونلعب ..
ونرضي ربنا ..إن شاء الله ..
لا تتعجلي ..هههههههه..انا فعلا بوصي نفسي كمان
ربنا يبارك لك يا سكر
صعب صعب صعب
هقولك إيه يابسبس
واسمحيلي ادلعك بقى ، خلى البساط احمدي
عن تجربة
كفتاة صعب جداً أن يجتمع الاثنان
وسلااام كبير قوي ليك
بجد وحشتيني
بصى يا بسومه مينفعش ان الحاجات دى منمرش بيها فى حياتنا لان دى حياتنا
وزى ما الكل قالولك قبلى عشان نحس بطعم النجاح والراحه لازم الاول نكافح ونصارع والا مش هيبقى فى معنى للنجاح
وكلنا مطحونين بس بننسى كل ده قدام النجاح اللى بنحققه
وربنا يعينك
القمحاوى : الله يكرمك افدت بصراحة
السندباد : شكرا على الزيارة وفكرةالطرف التانى اللى المفروض يساعدنا بقت نادرة قوى اليومين دول هى مسألة حظ مش اكتر
فضفضة : يوم معانا ويوم علينا مهما نبعد بتنادينا
المهم اننا بعد العتب والضغط والصراع يبقي فيه نتيجة مجزية وتعوض اللى فقدناه
احمد حربية : ان تقتنع ان نجاحك مهما وصلت قمته سيرضى من حولك خاصة اذا كانوا من تحبهم وتحرص على نيل اعجابهم وما دونهم الطبيعى انك لن تهتم بهم
الحلم العربى : ربنا يخليكى يا جميل
والله مطحونة بشكل قاسي جدا
وفكرة الاجاز مهمة طبعا لاسترجاع الذات واعادة تأهيل النفس
بس فى رأيى ان الاهم من الاجازة تكون الحالة النفسية مستقرة لانك ساعتها مهما كنتى فى ضغط وتوتر من الشغل الراحة والاحساس بالامان هيدفعك اكتر للشغل
احمد ندا : اعتبر ده وعد
محمود عفيفي : ربنا يعينك هو صعب بس مش مستحيل
تامر عفيفي : يمكن احنا بنشوف الشغل فعلا كنوع من الصراع والتحدى لكن وسط الحاجة الملحة وقلة فرص العمل اللى مش هيعرف يثبت نفسه هيضيع
ايجيبت روز : شكرا جدا على التعليق الجميل وبجد احييكى على المدونة الرائعة واقولك ايه انا بحب مصر كل يوم
مروة جمعة : ربنا يخليكى يا جميل ويارب كل اللى بيحلم بحاجة ويتعب علشان يحققها يحصل عليها
لو كنت اعلم : انت كمان واحشانى والله يا جميل والله وانت شكلك مجربه اكتر منى
ربنا يعينك وابقى تابعينا يا قمر
شمعة امل : شكرا على الزيارة وربنا يعينك وتتعبي علشان تشوفى محصلة تعبك بالخير ان شاء الله
Post a Comment