اعتذار وتغيير

يا جماعة انا اكتشفت امبارح بس ان فيه مدونة تانية ليها نفس الاسم بتاع المدونة بتاعتى " عايزه اتكلم "وليها نفس التصميم بتاعى كمان .. ونظرا لانى اكتشفت ان المدونة التانية اقدم من بتاعتى بكتييير
وبغض النظر عن توراد الافكار الغريب بينى وبين صاحب المدونة وهى بنت على فكرة
فأنا بعتذر على انى اخذت غصب عنى وبدون قصد اسم وتصميم مدونة تانية
وده اسم مدونتى الجديد وهى اغنيه لسعاد حسنى اللى بموت فيها على فكرة وكاتبها عمنا صلاح جاهين

واسمحولى اقولكم الكلام اللى ان حافظاه منها لان كلامها عاجبنى جدا

شيكا بيكا وبولتيكا ومقالب انتيكا .. ولا تزعل ولا تحزن اضحك برضه يا ويكا

ههههههههه.. ع الشيكا بيكا

هتقولى الشيكا بيكا ايه هيا .. هى الحركات اللى مش هى

الحرقة والغرقة والفرقة .. والذمبة فى البمبة الذرية

الضحك ده مزيكا كهربا على ميكانيكا

اضحك على الشيكابيكا

ههههههههه .. ع الشيكا

انا راح منى كمان حاجة كبيرة .. اكبر من انى اجيبلها سيرة

محفظتى فى جاكته سرقوها .. وغلاسة كمان سرقوا الشماعة