اقلع غماك يا تور وارفض تلف
اكسر تروس الساقية واشتم وتف
قال : بس خطوة كمان .. وخطوة كمان ..
يا أوصل نهاية السكة يا البير يجف
وعجبي !!!
مع الاعتذار للرائع صلاح جاهين وبمناسبة زواج سي جيمي ولى العهد على الست ديجة ست الحسن والجمال .. وبعد ما نفى جمال انه مش هيتولى حكم مصر وحكى القصة لطوب الأرض انه ضد فكرة التوريث وعمره عمره ما هيمسك مصر بالرغم من أن اصغر عيل فيكى يا مصر عارف إن جمال هو الرئيس القادم لمصر ...
بعد ده كله تفتكروا ممكن ناخد بكلام عم جاهين ونواصل الرفض والتكسير .. ولا نفضها سيره ونركن الى السلم ونبارك لجيمي على جوازه من مصر قبل ديجا ..!
25 comments:
هيييييييه
أنا أول واحدة هتعلق عندك المرة دي
إيه يابنتي
ربنا يهني سعيد بسعيدة
بس صلاح جاهين لما كتب اللي كتبه ما كانش يعرف إن شعب مصر هيبقى كده
أنقح من الثور
يمكن سحلية
مش باينة من الأرض
وعمرك ما بتاخدي رأيها تموتيها ولا لأ
تسبيها تعيش ولا كفاية عليها كده
بس بصراحة البوست حلو
موفقة إن شاء الله
شكرا ليكى يا جميل على التعليق الاول عايزة اقولك انى لحد دلوقتى ما اعرفش اسمك ايه ده اولا
ثانيا احنا للدرجة دى بقينا سلبيين وما عندناش قدرة على عمل شئ ايجابي ف حياتنا خالص حتى فكرة الاعتراض اصبحنا محرومين منها وعلى فكرة المظاهرة اللى كنا عملينها كفرح موازى لجمال مبارك اتلغت لان الامن قام بالواجب وزيادة
عقبالك
بجرب الصورة الجديدة بس
ولا دى احلى
عزيزتي
عم صلاح مات من القهرة
نفضها
عزيزتي
عم صلاح مات من القهرة
نفضها
مبروك يا بسومة ههههههههه
امال لو سمعتيهم بيقولوا "ليه اتجوزها ..زعلانين البنات
واول من سينتخبوه ايضا يا عزيزتي
عادي
ايه
فينك من الدستور يا ابتسام ..أياااام
مبروك يا بسومة ههههههههه
امال لو سمعتيهم بيقولوا "ليه اتجوزها ..زعلانين البنات
واول من سينتخبوه ايضا يا عزيزتي
عادي
ايه
فينك من الدستور يا ابتسام ..أياااام
ابتسام
بداية أهنئك على أسلوبك السهل الذي تستطيعين من خلال كلمات قليلة إيصال الفكرة واضحة , و هي موهبة لا يملكها إلا القليل
فيه دعاء جميل كتبه الأستاذ بلال فضل في الدستور اليومي من كام يوم , جميل جدا جدا , ربنا يسمع منه
آآآآآمين
تحياتي
محمد
ملحوظة
طبعا الدعاء متعلق بموضوع الجوازة ديه
كلكم بتحقدوا على بابا حسني وماما سوزان وجيمي وعلاء يا حقده يا حسده
طبعا خديجة ومصر والشرق الاوسط كله كمان .
عجبي
على فكرة انا فى رأيى بخالف الكل أنا مش شايف فى جوازه اى حاجه مش طبيبعية لأن دا اللى الواقع اللى لازم يحصل ....
و دا حقه...
أحنا ليه سبنا كل شئ حاصل فى البلد
والقوانين اللى بتعدى...
فى جلسه واحده...
واللى بيحصل للقضاة..
وقانون الحقوق السياسيه..
وغيره .. وغيره...
بصراحه احنا بجد اتكلمنا اطتر من الازم فى الموضوع دا..
وألف مبروك يا جيمى..وكمان ليكى يا ديجا..
ملحوظة..
انا اسف ان التعليق وصل متأخر لأنى كنت مسافر...
لكن المهم انى وصلت
شكرا
....
انا متفق تماما مع amr
يخرب عقلك يابنتي انت فين ؟ فاكراني واللا لأ أنا تامر عبد العزيز في الأسبوع وتامر أبوعرب في الدستور ده ماكانش عيش وبس ، رقم تليفونك ضاع مني لازم تكلميني ، هاديكي الميل بتاعي تسيبي تليفونك عليه ... ماشي ؟؟؟؟؟
thefreepen2010@yahoo.com
مبروك عليه خديجة وابو خديجة وام خديجة وجيران خديجة وقرايب خديجة ومحافظة خديجة وقريبا بلد خديجة
يعني عايزين إيه أكتر من كده ؟ الراجل قرب يحلف بالطلاق من مراته اللي ماكملتش شهر إنه مش هايز يمسك البلد !!اللي غايظني بجد بقي إنه قاعد يقول في كل حته مش عايز أبقي الريس!!وبتوع الجرايد القومية بيقولوا الراجل مش عايز يمسك البلد هوه في حد كان طلب من أمه إنه يمسكها ،علي العموم خلينا نقول مبروك وندعيله إنه يعرف يعمل الواجب مع البنية مش ناقصين فضايح ربنا ما يكسفلكم ريس
أحمد حربية
القمحاوى :كعهدك لم تتغير .. مسخرة
انا جعان : شكرا ع الزيارة بس جاهين مات احنا لسه عايشين
مروة جمعة : شكرا ع التعليق بس انتى اللى فين
فضفضة : مش عارفة اشكرك ازاى ع التعليق الجميل
عم احمد : زيارة شريفة لينا يا فندم
عمرو : اولا شكرا على المتبعة للمدونة .. ثانيا احنا ما بنركزش على الجوازة فى مفهومها المحدود لكن بنستغل الحدث السعيد فى الكلام عما يتبعه من احداث فى منتهى السوء على مصر كلها
سندباد : نورت المدونة واحترم رأيك
تامر ابو عرب احييك على مدونتك واتمنالك التوفيق ف الدستور
امام الجبل : نقول ايه فى الهم ..مادام الهم قدر راكب فوق صدورنا
احمد حربية : خد بالك من مذاكرتك وربنا معاك
انا عايز اقول الف مبروك لجمال باشا علي الزواج وللعائلة الملكية في مصر علي هذا الزواج
هههههههه لازم طبعا نبارك ونهنى
لا بجد اسلوبك هايل
ربنا يوفقك
Post a Comment